Tulad sa petrolyo, mas maraming Telcos, mas pabor sa taumbayan!

KA AMBO / BISTADO

KINASUHAN si ex- BOC Commissioner Isidro Lapeña sa nawawalang 103 container vans ng ceramics.

Bakit, shabu rin ba ang laman nu’n?

◘◘◘

IDINIDISKARIL ng mga natalo sa bidding ang operasyon ng third Telco.

Gustong magpaareglo para mabawi ang “entry fee”.

◘◘◘

TAPOS na ang subasta.

Dapat maglagak ng “billion peso bond” ang nagpoprotesta na bayad sa perhuwisyo.

◘◘◘

DAPAT nang pumagitna si P-Di­gong.

Para hindi madiskaril ang kanyang plataporma de gobyerno!

◘◘◘

NAGTATAKA tayo kung may kapasidad ba ang “natalong bidder” bilang telecom company, bakit hindi na lang sila gawing 4th Telco?

Bakit kailangang pag-agawan ang “ikatlong Telco”?

◘◘◘

Puwede namang may “4th”, “5th” at “6th Telco.

Kumbaga, open competition ang “Telcos” tulad sa oil industry!

◘◘◘

KARANIWANG naghihintay ng “areglo” ang mga umaapela at nais sigurong “bayaran” sila nang patago.

Modus ito o isang klase ng blackmail na dapat maunawaan ng lahat!

◘◘◘

PINAGKAKAGULUHAN si Heneral ‘Bato’ nang pumunta sa mga lalawigan, kamakailan.

Pero, hindi niya ito inilalabas sa media.

Hindi na sorpresa kapag nagka-‘Bato’ sa Senado!

◘◘◘

WALANG masamang record si ‘Bato’.

At ang no.1 endorser pa niya ay si P-Digong.

Bumibigat na ang laban sa Senado!