Lola natagpuang patay

PANGASINAN—Isang 85-anyos na lola ang natagpuang patay sa loob ng kanyang bahay, kamakalawa sa Bgy. Guibel, San Jacinto sa lalawigang ito.

Ang biktima ay nakilalang si Lourdes Clifford, residente ng nabanggit na barangay.

Nabatid na isang kapitbahay ni Clifford ang nakatagpo sa bangkay nito sa loob ng kanyang bahay.

Sa imbestigasyon ay napag-alaman ng mga awtoridad na may high blood si Clifford at maaaring ang kanyang sakit ang naging sanhi ng kanyang kamatayan.