4 niratrat sa videoke bar, utas

APAT katao ang nasawi makaraan ang walang habas na pamamaril ng dalawang lalaki sa loob ng isang vide­oke bar sa Lal-lo sa Cagayan Valley, kahapon.

Patay na nang datnan ng mga awtoridad sina Eugene at Princess Javier, mag-asawa at ang mag-live-in partner na sina Ramsey at Michaela Javier, may-ari umano ng Starbabe Videoke Bar.

Batay sa inisyal na ulat, pasado ala-1:00 ng madaling-araw nang dalawang hindi pa natutukoy na kalalakihan na kapwa armado ng baril ang pumasok sa videoke bar at biglang kinompronta ang grupo ng biktima bago sila isa-isang pinagbabaril ng mga ito.

Inaalam pa ng mga aw­toridad ang motibo sa krimen kabilang ang anggulong love triangle.