TAMARAWS, ‘DI MATIBAG SA TSANSA NG UAAP FINAL FOUR

NANATILING ma­tibay ang tsansa ng Far Eastern University na umabot sa Final Four matapos nilang talunin ang season host National University,79-74 sa unang laro kahapon sa UAAP Season 81 Men’s Basket­ball Tournament sa Ara­neta Coliseum.

Nag-init si Arvin To­lentino mula sa umpisa ng laro at isinalansan ang lahat ng kanyang 16 pun­tos na output sa first half upang pamunuan ang ratsada ng Tamaraws.

“So far, these boys are playing really well the past two games. Hope­fully, we can sustain this,” pahayag ni coach Olsen Racela matapos ang panalo na nagtabla sa kanila sa University of the Philippines sa ika-4 na puwesto taglay ang mar­kang 7-6, panalo-talo.

Nakabalikat ni Tolen­tino sina Ken Tuffin at rookie L-Jay Gonzales na nagposte ng 15 at 9 na puntos ayon sa pagkaka­sunod.

“Yun na yun. We’re still in the hunt,” ayon pa kay Racela.

Bagamat nakapag-ambag lang ng 9 na pun­tos, nasapawan ni Gon­zales ang naitalang career game ng kapwa rookie na si John Lloyd Clemente para sa Bulldogs.

Nagposte si Clemente ng season high 38 pun­tos, 21 dito ay ginawa niya sa third period kung saan humabol pa ang Bulldogs mula sa pagkakaiwan ng hanggang 16-puntos.

Doon na pinatay ni Gonzales ang momentum ng Bulldogs matapos si­yang umiskor ng limang sunod na puntos para ilayo ulit ang Tamaraws, 76-65 may 5:29 pang na­lalabing oras sa laro.

Kailangan na lang ng Tamaraws na ipanalo ang huling laban kontra Adam­son University at uma­sang matalo ang Fighting Maroons sa De La Salle University upang maka­usad sila sa semis. (VA)