Pulis binentahan | TANOD NA TULAK, TIKLO

DALAWA katao kabi­lang ang barangay tanod na nasa drug watchlist ang na­aresto matapos magbenta ng shabu sa pulis sa buy-bust operation sa Valenzuela City, kamakalawa.

Kinilala ni Valenzuela Police Chief Sr. Supt. David Nicolas Poklay ang mga naaresto na sina Minador Cunanan alyas Ding, 49, ng Bgy. Malinta at Ariel Alavata, 24, ng Bgy. Bignay.

Sa imbestigasyon ni SPO2 Randell Adora, alas-11:30 ng gabi nang isagawa ng mga operatiba ng SDEU sa pangunguna ni PCI Jo­wilouie Bilaro sa koordinas­yon sa PDEA at PCP-4 ang buy-bust operation kontra Cunanan sa Pinagpala St.

Nagawang makapag­tran­saksiyon kay Cunanan ng isang plastic sachet ng shabu ng undercover police kapalit ng marked money at nang magkaabutan, agad lu­musob ang mga nakaanta­­bay na operatiba at sinung­ga­ban ang mga suspek.

Nakumpiska sa mga suspek ang 14 plastic sachets na naglalaman ng hindi pa matukoy na halaga ng hini­hinalang shabu, isang plastic sachet na naglalaman ng ilang piraso ng aluminum foils, P2,200 cash, buy-bust money, sling bag, coin purse at bgy. tanod ID ni Cunanan.

Ayon sa pulisya, nasu­sunog ang mga operasyon ng mga operatiba dahil si Cunanan ang may kontrol umano sa mga drug pusher at sa CCTV sa kanyang bi­nabantayang barangay out­post.