Dahil sa basketball | JOURNALIST KINATAY

ISANG beteranong ma­mamahayag ang namatay makaraang pagsasaksakin sa covered court sa Daraga, Albay, kahapon.

Nasawi habang gina­gamot sa Bicol Regional Training and Teaching Hos­pital (BRTTH) sanhi ng ilang tama ng saksak sa iba’t ibang parte ng katawan ang bikti­mang si Celso Amo, 65, re­sidente ng Bgy. Pag-Asa.

Agad namang nadakip ang 33-anyos na salarin na si Adam Ibanez, sa kanyang tinitirhan sa naturang lugar kung saan nakatakda sana itong tumakas.

Ayon kay Police Senior Inspector Mayvell Gonza­lez, pasado alas-8:00 ng umaga, habang naglalaro ng basketball si Amo nang la­pitan ito ng suspek para ya­yaing maglaro subalit, tu­manggi ito.

Nagalit ang suspek at saglit na umuwi ng bahay at pagbalik nito ay may hawak na itong patalim at inun­da­yan ng saksak ang biktima.

Si Amo ay retiradong go­vernment employee ng Phi­lippine Information Agency (PIA) sa Bicol Region, isang news stringer ng Philippine News agency (PNA) at cor­respondent ng The Philip­pine Star.

Editor-in-Chief din ito ng pahayagang Windows, ang diyaryo ng Legazpi City Go­vernment at newswriter din ng Dyaryo Bikol at Bicol Mail.