350 KALAHOK, IPAKIKILALA NA SA WORLD PITMASTERS

HINDI kukulangin sa 350 kalahok na kumpirma­dong papasok sa parating na 2018 World Pitmasters Cup (Master Breeders Edition-2 ) 9-Stag Inter­na­tional Derby pati na ang 30 bigtime na manana­bong na magtutuos sa P220K Entry Fee, One-Day 7-Stag Big Event na haharap sa sabong media na gaganapin ngayong araw simula ng 11 a.m. sa Newport Performing Arts Theatre ng Resorts World Manila.

Nakatakda mula ika-15 hanggang ika-25 ng Nobyembre, sa Newport Performing Arts Theatre, ang pandaigdigang laba­nan ay may garantisa­dong premyo na P15-M na aabot ng mahigit sa P28 milyon kung pagbabase­han ang bilang ng mga siguradong kalahok.

Ang entry fee ay P88,000 at ang pinakamaliit na pusta sa bawat laban ay P55,000.

Handog nina Charlie “Atong” Ang, Gerry Ra­mos, Sonny Lagon, RJ Mea & Eddiebong Plaza, kaagapay sina Eric dela Rosa & Ka Lando Lu­zong, ang world-class event na ito ay suportado ng gold sponsor Thun­der­bird Platinum.

Sa Nob. 15, 16 & 17 ga­ganapin ang tatlong magkakahiwalay na 2-stag eliminations; susun­dan ng one-day 7-stag big event sa Nob. 18.

Ang tatlong 3-stag semis ay gagawin sa Nob. 19, 20 & 21. Ang 4-stag fi­nals para sa lahat ng ma­kaka-iskor ng 2, 2.5, 3 or 3.5 puntos pagkatapos ng semis ay maghaharap sa Nob. 23, samantalang ang mga may tig- 4, 4.5 o 5 puntos ay magtutuos para sa korona sa Nob. 25 grand finals.