Presyo ng gas, ibababa para maitaas, buwisit!

KA AMBO / BISTADO

KINATIGAN ng Korte Suprema ang implementas­yon ng K-12.

Mainam naman!

◘◘◘

PUMAPALAG si Gov. ‘Chavit’ Singson sa subasta ng 3rd Telco.

Laking away nito!

◘◘◘

IBABAGSAK ang presyo ng petrolyo next week.

Ito ay para maitaas ulit!

◘◘◘

NAGKAKAINITAN ang China at U.S. sa Spratlys Island.

Hayaan na lang ninyo ang parehong duwag!

◘◘◘

NAKAISKOR si Sen. Manny Pacquiao sa Oxford.

Puwede na siyang tu­makbo sa pagka-pangulo!

◘◘◘

KAPAG naging pangulo si Pacquiao, matatakot sa kanya ang mga drug lord.

Kasi tiyak na maka­titikim ang mga ito ng left hook!

◘◘◘

MAY natanggap tayong text mula sa batikang brod­kaster na si Ka Popo Villa­nueva.

Ayon kay Ka Popo, ang conviction kay Cong. Meldy ay malinaw na pru­­weba na hindi hawak ni P-Duterte ang Judiciary.

◘◘◘

TALIWAS umano ‘yan sa ipinamamarali ng estrelyadong pulahan at palasimbang dilawan nang katigan ng Korte Suprema ang pagpapalibing sa labi ng WWII veteran na si dating Pangulong Ferdinand Mar­cos.

Sa totoo lang, hindi makakalaboso si Cong. Meldy dahil puwede pang maghain ng mosyon for reconsideration.

Puwede ring magpi­yansa!

◘◘◘

SA pinakahuling ulat, hinihiling ng ilang senador na bigyan ng humanitarian consideration ang pinakama­tandang kongresista sa kamara.

Klap! Klap! Klap!