UP MAROONS, MAKAKA-SOLO BA SA 4TH PLACE VS. TIGERS?

MAKAHULAGPOS sa kasalukuyang pagka­ka­buhol nila ng Far Eas­tern University upang ma­solo ang ika-4 na puwesto ang tatangkain ng Uni­versity of the Philippines sa pagtutuos nilang muli ng University of Santo Tomas sa tampok na laro ngayong hapon sa pag­pa­patuloy ng UAAP Sea­son 81 Men’s Basketball Tournament sa Araneta Coliseum.

Tabla sa kasalukuyan ang UP at ang FEU sa ika-4 na posisyon hawak ang patas na barahang 6-6, panalo-talo sa likod ng mga pasok na sa Final Four na Ateneo at Adam­son at ng pumapangat­long De La Salle Univer­sity. Nakatakdang magta­pat muli ang Tigers at ang Maroons ng 4 p.m. ma­tapos ang salpukan ng Falcons at ng University of the East Red Warriors ng 2 p.m.

Pumapanglima nga­yon taglay ang barahang 5-7, panalo-talo, may tsan­sa pang makahabol sa huling Final 4 berth ang Tigers sakaling maipanalo ang nala­labing dalawang laro nila sa second round at umasang hanggang pi­tong panalo na rin lang ang maabot ng alin­man sa FEU at UP sa pagtatapos ng elimination para ma­kahirit ng playoff.

Sisikapin ng Maroons na maipaghiganti ang na­tamong 72-86 na ka­biguan sa kamay ng Ti­gers noong Oktubre 10 upang makalamang sa labanan nila ng Tamaraws sa 4th spot.

Samantala, pagtiti­ba­yin ng Falcons ang kapit nila sa no. 2 spot para sa hinahabol na twice-to-beat incen­tive sa muli nilang salpukan ng Red Warriors na hangad nang madag­dagdan ang nag-iisang panalo mata­pos ang 12 laro sa elimina­tions. (VA)