Search
  • BULGAR

LACUNA AT DAOS, MATIBAY SA 2 GOLD SA UAAP SWIMMING


SINIMULAN nina reig­ning MVPs Jes­sie Khing Lacuna at Chloe Daos ang kam­panya ng Ateneo para sa tangkang panatilihin ang hawak na dalawang titulo makaraang magsipagwagi ng tig-2 gold medal sa unang araw ng UAAP Season 81 swimming competition sa Rizal Memorial Pool.

Pinagharian ni Lacuna ang men’s 800-meter free­style matapos maorasan ng 8:33.98 sa event na dinomina ng Blue Eagles sa ipinoste nilang 1-2-3 finish na sinun­dan niya ng panalo sa 100-meter freestyle sa tiyem­pong 52.18. Umani rin ng panalo si Season 79 MVP Aldo Ba­tung­bacal para sa Ateneo makaraang manguna sa 200-meter individual medley (2:09.49) bukod pa sa silver medal niya sa 800-meter freestyle (8:46.39).

Nag-ambag naman si rookie Ianiko Limfilipino ng silver medal sa 200-meter freestyle (2:12.48) at bronze sa 800-meter freestyle (8:59.31).

Isang bagong league re­cord ang itinala ng nakaraang taong Rookie-MVP na si Daos sa women’s 800-meter freestyle mata­pos maora­san ng 9:24.­51, na bumura sa dating record na 9:26.11 na itinala ng kapwa Lady Eagle na si Kim Uy noong 2014.

Nagwagi ng silver medal sa nakaraang 41st Southeast Asian Age Group Swimming Championships sa Brunei, nanalo rin ng gold si Daos sa women’s 100-meter freestyle matapos maorasan ng 59.62 kung saan tina­lo niya ang kakamping si Andrea Ngui (59.70).

Sa iba pang resulta, inangkin ng De La Salle ang opening day men’s relay events na 200-meter medley (1:48.87) at 800-meter freestyle (8:14.02)

Nakopo ni University of the Philippines tanker Nadine Tee ang gold medal sa 200-meter individual medley event sa oras na 2:31.87, habang naiuwi ng Lady Maroons ang gold medals sa 200-meter medley relay (2:06.93) at 800-meter freestyle relay (9:25.18). (VA)

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.