Kelot tinodas ng kainuman

ILOCOS NORTE—Isang lalaki ang namatay nang tagain ng kanyang kainuman, kamakalawa sa bayan ng Banna sa lalawigang ito.

Kinilala ang biktima na si Robert Garcia, samantalang, ang suspek ay si Lowel Yadao, kapwa nakatira sa nasabing bayan.

Nabatid na habang nag-iinuman ay nagkaroon ng pagtatalo sina Garcia at Yadao na humantong sa pananaga ng suspek sa biktima.

Dinala pa ng mga saksi si Garcia sa ospital, pero idineklara itong dead-on-arrival, samantalang, agad nadakip ng mga awtoridad ang suspek.