MARAÑO, BIDA SA CARGO MOVERS, ‘DI PINAPORMA ANG ASSETS SA PSL

MULING nakapagpainit ng kanilang masel ang nagpahingang F2 Logistics nang dominahin ang Cocolife Asset Managers, 25-13, 25-16, 25-8, sa Philippine Superliga All-Filipino Conference kahapon sa Filoil Flying V Centre.

Impresibo ang laro ni Aby Maraño nang gitlain ang Cargo Movers at kunin ang ikatlong diretsong panalo sa prestihiyosong women’s club tourney.

Si Maraño ay gumawa ng 10 attacks, 3 blocks at 3 aces sa game-high 16 points para sa Cargo Movers upang manatili ang momentum bago ang higanteng laban sa Petron Blaze Spikers sa Sabado sa Alonte Sports Arena sa Biñan City.

Ang Cargo Movers ang queens ng season-ending conference hanggang maagaw ng Blaze Spikers ang korona sa dramatikong final victory noong 2017.

Giniba rin ng Blaze Spikers ang F2 Logistics sa finals showdown sa Grand Prix nitong unang bahagi ng 2018 kung saan sina American import Katherine Bell at Lindsay Stalzer ang last-minute substitute kay injured Hillary Hurley. “We had a good rest prior to this game,” ayon kay de Jesus matapos masungkit ang ikatlong diretsong panalo sa kaagahan ng torneo na isinasaere ng ESPN5.

“That rest and recovery had very good effect to them because they had good connection on the court.”

Bumalikat din ang kapwa national team members ni Maraño na sina Kianna Dy at Majoy Baron sa 12 at 10 markers para sa Cargo na nahirapan din kontra kay Filipino-American spiker Kalei Mau.

Si Mau, na naglaro sa Arizona Wildcats sa Division 1 ng US NCAA, ay nalimitahan sa 5 points. Sa kabila ng major injury nakapagtala siya ng 13 points na pagkatalo sa Petron at 20 points na pagkatalo sa Cignal sa unang 2 matches. (MC)

Laro Bukas: (Alonte Sports Arena) 12 noon – La Salle-Dasmarinas vs FEU 2:00 p.m. – CSA-Biñan vs UP 4:00 p.m. – Cignal vs Generika-Ayala 6:00 p.m. – Petron vs F2 Logistics