P-Digong, kinantahan lang ni Ka Freddie, inendorso na sa pagka-senador, buwisit!

PABLO L. HERNANDEZ III / PRANGKAHAN

MATAPOS SIYANG KANTAHAN, PARA KAY P-DUTERTE PANG-SENADOR NA SI FREDDIE AGUI­LAR—Nag-alay ng kanta si Senatorial candidate Freddie Agui­lar kay P-Duterte sa opening ng Parañaque Integrated Terminal Exchange (PITX) at nang matapos kumanta, nila­pitan ito ng pangulo at itinaas ang kamay at saka inendorso ang kan­didatura nito sa pagka-senador.

Pambihira mantakin nin­yo, kinantahan lang siya ni Fred­die, eh, para kay P-Du­terte ay puwe­de nang maging sena­dor ang singer na ito, boom!

◘◘◘

SINUNGALING ANG MAG-AMONG PANGU­LO AT KAN­YANG SPOKESMAN —Ang sabi noon ni P-Du­terte ay hindi raw niya economic adviser si Michael Yang dahil Chinese national daw ito at bawal sa Konstitusyon na gawing opisyal ng gobyernong Pili­pinas ang dayuhan, pero nang may lumabas na doku­mentong adviser nga ito (Yang) ay dito na napilitan si Presidential Spokesman Salvador Panelo na amining adviser ito ng pangulo.

Matapos makatikim ng batikos si P-Duterte sa pag-eendorso nito sa kandidato ni Freddie Aguilar, agad nagpa­tawag ng presscon si Panelo at sinabing hindi raw inien­dorso ng pa­ngulo ang kandi­da­tura ng singer kahit pa may video na iniendorso ni P-Du­terte ang kandida­tura ni Aguilar.

Ganyan mga kaba­bayan kasinungaling ang ating pangulo at kanyang spokesman, mga pwe!

◘◘◘

‘HIGHWAY ROBBERY’ NG LTFRB SA JEEPNEY OPERATORS? — Bago pagka­lo­oban ng fare matrix para sa P10 pamasahe sa mga pam­pasaherong jeep ang jeepney operators ay inoobliga sila ng Land Transportation Franchising and Regulatory Board (LTFRB) na magba­yad ng P520 para sa increase of rate, P40 para sa franchise verification at P50 para sa fare matrix.

Ganu’n? Aba, dati kapag nagtataas ng pa­masahe sa jeep ay wa­lang ganyang mga bayarin.

Parang “highway robbery” ‘yan ng LTFRB sa jeepney operators, buwisit!

◘◘◘

CAVITE PNP DIRECTOR SEGUN, MAYOR RECA­FREN­­TE AT MAYOR FER­RER, ‘NGA­NGA’ SA RAKET NI ‘EGAY’ SA ROSARIO AT GEN. TRIAS—Mga drug addict daw ang kadalasang paruk­yano ni “Egay” sa kanyang raket na drop balls at color games sa Bgy. Salinas, Rosario at Bgy. San Franciso, Gen. Trias, kapwa sa Cavite.

Aba, kung mga adik ang mga parukyano ni “Egay”, baka may nag­bebenta rin ng shabu r’yan.

O, Cavite PNP Dir­ector Sr. Supt. William Segun, Rosario Mayor Jose Voltaire Recafren­te at Gen. Trias Mayor One Ferrer, “nganga” na lang ba kayo sa shabuhan sa drops balls at color games ni “Egay"? Aba, aksiyon na, dali!