Ilang taxi drivers na hindi pa rin natinag sa pandaraya, sampolan!

RYAN B. SISON / BOSES

TAXI ka ba, kasi kada minuto napapama­hal ako sa’yo, eh! ‘Yung mapapahugot ka na lang ng ganito dahil hanggang ngayon ay hin­di pa rin pala tumitigil ang ilang taxi drivers sa panlalamang sa mga pasahero.

Sa reklamong natanggap natin mula sa isang concerned citizen, sinabi niya na noong sumakay siya ng taxi, kamakalawa ay masya­dong mataas ang fare meter nito dahil kada minuto ay 2 piso na agad ang dagdag at kada kilometro ay 14 pesos ang kabuuang dagdag.

Lumalabas na kung ‘yung dating normal fare niya na umaabot lamang ng P170-P180, ngayon ay naging P300 na halos doble ang idinagdag kung saan mapapakamot-ulo ka na lang talaga.

Bukod pa rito, may ilan ding mga taxi dri­ver na kapag sumakay ka ang sasabihin ay “ba­hala na po kayo” kung saan hindi nila gagamitin ang metro at maniningil sila ng hindi bababa sa P300 piso. Grabe, grabe!

Kaya hindi rin natin masisisi ang iba kung bakit hanggang ngayon ay marami pa ring umaalma sa transport network vehicles dahil sa hindi makatarungang pasahe kahit mala­pit lang ang biyahe.

Gayunman, marahil dagdag din sa naka­apekto rito ang trapik na hindi pa rin ma­solusyunan ng gobyerno, sa trapik na lang talaga may forever!

Kaya ang panawagan natin sa mga kinau­ukulan, bukod sa problema sa dagdag-pa­sahe, inflation, patayan at marami pang iba, hu­wag din nating tatantanan ang ilan na nagpapatu­loy pa rin sa pandaraya na ginawa na nilang hanapbuhay.

Doon tayo sa patas at makatarungang sis­tema at hindi sa bulok at nakabubutas ng bulsa!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.