Search
  • BULGAR

Kung kinakailangang magkaroon ng "bond" para makapag-apela

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Bakit kinakailangang mag­ka­roon ng “bond” para maka­pag-apela sa National Labor Relations Commission (NLRC)? — Joshua

Dear Joshua,

Para sa inyong kaalaman, naka­saad sa Section 6, Rule VI ng 2011 National Labor Relations Commission (NLRC) Rules of Procedure ang pangangailangan ng Bond upang maperpekto ang apela kapag may iginawad na monetary award ang Labor Arbiter o Regional Director sa kanilang decision:

“SECTION 6. BOND. – In case the decision of the Labor Arbiter or the Regional Director involves a monetary award, an appeal by the employer may be perfected only upon the posting of a bond, which shall either be in the form of cash deposit or surety bond equivalent in the amount to the monetary award, exclusive of damages and attorney’s fees. xxx” (Binigyang diin)

Tinalakay sa Loon, et al. vs. Power Master, Inc. (G.R. No. 189404, 11 December 2013), na isinulat ni Mahistrado Arturo D. Brion ng Korte Suprema, ang rationale o dahilan sa panga­ngailangan ng appeal bond kung saan sinabi rito na:

“The rationale of requiring an appeal bond is to discourage the employers from using an appeal to delay or evade the employees’ just and lawful claims. It is intended to assure the workers that they will receive the money judgment in their favor upon the dismissal of the employer’s appeal.”

Batay sa nabanggit, ang bond ay kinakailangan upang maperpekto ang apela kapag may iginawad lamang na monetary award ang Labor Arbiter o Regional Director sa kanilang decision. Ang rationale o dahilan sa pagkakaroon ng appeal bond ay upang pahinahin ang loob ng mga employer na iapela ang kaso na magiging sanhi ng pagtagal nito hanggang sa maiwasan nila ang pagbibigay sa makatuwiran at legal na hinihingi ng kanilang empleyado.

Dagdag pa rito, ang layunin ng appeal bond ay ang pagtiyak na makukuha ng mga empleyado ang iginawad sa kanila na monetary award kapag na-dismiss hanggang sa huli ang apela ng kanilang employer.

Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga salaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa isang abogado.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.