Sey ng experts... PAGTABI SA EX, NAKATUTULONG PARA MAKA-MOVE ON!
- BULGAR
- Nov 6, 2018
- 1 min read
DEHINS maka-move on kay ex dahil nanghihinayang ka sa inyong pinagsamahan? Easy lang ‘yan, mga besh, dahil knows ba ninyong ang pagtabi sa ex sa pagtulog ay nakatutulong para mas mabilis tayong maka-move on? Weh, ‘di nga?
Ayon sa mga eksperto, importante umano ang physical closure nang sa gayun ay tuluyan nang makapag-move on ang mga taong kahihiwalay pa lamang.
Sa pag-aaral na isinagawa sa 113 kataong nakaranas ng break-up, sinubukan nilang makipag-physical contact sa kanilang mga dating nobyo at nobya at tinanong sila kung ano ang kanilang nararamdaman at kung mayroon pa rin ba silang emotional attachment.
Gayunman, natuklasan ng mga eksperto na kapag ang mag-ex ay nagtabi sa pagtulog at naging malapit sa isa’t isa, mas malaki ang tsansa na maging magkaibigan na lang sila kung saan ito na ang magiging simula para ma-realized nila na tapos na ang kanilang relasyon at kailangan na nilang mag-move on.
Samantala, ayon kay Dr. Stephani Spielmann, kung sila man ay nakipagtalik, ganu’n pa rin ang mangyayari kung saan magkakaroon lang din sila ng closure sa kanilang paghihiwalay at ang emosyon na kanilang naramdaman nu’ng nagtalik sila ay panandalian lamang.
Kaya para sa mga sis at bro natin diyang may problema sa pagmu-move on, huwag kayong mag-alala dahil may easy way na para riyan, basta huwag ka lang dapat masaktan, ha?
Copy? He-he-he!
Comments