Negosyante utas sa rider

ISANG 45-anyos na ne­gosyante ang pinagbabaril hang­gang sa mapatay ng nakamotorsiklo sa Bgy. Commonwealth sa Quezon City.

Dead-on-the-spot si Michael Manila sanhi ng tama ng bala ng baril sa ulo at katawan.

Ayon sa ulat ng Criminal Investigation and Detection Unit ng Quezon City Police District (CIDU-QCPD), mi­namaneho umano ng bik­tima ang kanyang kotse sa bahagi ng Commonwealth Avenue kasama ang ilan sa kanyang mga empleyado nang biglang tabihan ito ng isang lalaking sakay ng mo­torsiklo.

Maya-maya pa ay big­lang bumunot ng baril at pi­nuntirya ng ilang beses ang biktima sa ulo.

Matapos ang pamamas­lang ng suspek, tinangay pa nito ang cellphone at pera ng biktima na tinatayang nagka­kahalagang P100,000.

Patuloy na ang pagsisi­yasat ng mga awtoridad sa pagka­kakilanlan ng salarin habang hindi inaalis ang mo­tibo ng panghoholdap at po­sibleng kilala ng biktima ang gun­man.