Search
  • M. Alfonso

Bebot timbog sa investment scam

ARESTADO ng mga ahente ng National Bureau of Investigation (NBI) ang 41-anyos na babae na nan­loko ng may 30 katao sa isang investment scam.

Ipinrisinta ni NBI Anti-Graft Division Executive Officer for Operations Mar­lon Tauli, ang suspek na si Bernadette Badinas, may asawa ng Sto. Niño, Bina­ngo­nan, Rizal.

Nagpapakilala umanong negosyante ang suspek at umano’y nagbibigay ng 15-20% interest sa inisyal na P800,000 kada biktima.

Ayon sa NBI, karamihan ng nabiktima ni Badinas ay mga overseas Filipino wor­ker (OFW) at may-ari ng mga maliliit na negosyo sa Pasig at Mandaluyong at nag­simula na makapanloko noong 2015.

Kalaunan ay nag-iisyu na ito ng tseke para mabaya­ran ang mga tubo ng kanyang mga biktima pero nagtalbu­gan lahat. Naaresto ang sus­pek sa isang entrapment ope­­ration sa Sta. Cruz noong Oktubre 29.

Nasa kustodiya ngayon ng NBI ang suspek at sinam­pahan ng syndicated estafa at paglabag sa BP. 22 (boun­cing checks).

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.