Search
  • Madel Moratillo

P-Duterte, puwedeng santo — Bishop Bacani | KUNG TITIGILAN ANG PANGGAGAGO


KUNG magbabago at titigil na umano sa panlalait sa kanyang kapwa at mag­kakaroon ng respeto sa ka­sagraduhan ng buhay, pu­wedeng maging ‘santo’ si Pangulong Rodrigo Duterte.

Ito ang reaksiyon ni No­valiches Bishop Emeritus Teodoro Bacani sa umano’y ‘panlilibak’ ng pangulo sa tradisyon ng mga Katoliko na parangalan ang mga santo tuwing Undas, na tinawag pa niyang ‘gago’ at ‘laseng­go’.

Pabiro ring tinawag ng pangulo ang sarili bilang ‘Santo Rodrigo’. Ayon kay Bacani, tama ang pangulo na ang mga dating lasenggo, dating mamamatay-tao, dating mag­nanakaw at kurakot ay ma­aaring maging santo.

Gayunman, kailangan aniyang magsisi ang mga ito sa kanilang mga nagawang kasalanan at tanggapin sa kanilang buhay si Kristo tu­lad na lamang ni Saint Paul.

Giit pa ni Bacani, hindi naman malayong magkato­too ang biro ni P-Duterte na maging santo.

“Itong si Presidente Duterte, puwedeng maging Santo Duterte iyan kung iyan ay magbabago, kung titigi­lan niya iyung pagmumura, kung titigilan niya ‘yung kanyang kakulangan ng pag­galang sa buhay ng kap­wa tao, ‘yung kanyang mga pan­lalait na ginagawa, ‘yung mga panggagago niya sa sinumang santo o tao,” pa­hayag pa ni Bacani.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.