Ayaw magbayad ng kinain sa resto | GUIDANCE TEACHER, ARESTADO

ISANG dating guro ang arestado makaraang kumain sa isang restoran sa Mari­kina City ngunit, tumangging mag­bayad at nag-eskandalo pa umano.

Hinuli ng mga pulis sa pangunguna ni Senior Ins­pector Emil Garcia ang sus­pek na si Ma. Criselda Gu­reng, 45, guidance teacher at residente ng Quezon City, alas-3:00 ng hapon kama­ka­lawa sa loob ng Giligan’s Res­­taurant sa Riverbanks Mall.

Alas-11:00 noong Sa­bado nang pumasok sa na­sabing restoran si Gureng at um-order ng pagkain na umabot sa P1,037.

Nang maubos ang pag­kain, siningil ito ni Ma. Mirra Ruez, 43, branch manager, ngunit, tumanggi umano ang suspek kasabay ng pagbitaw ng hindi magagandang salita sa kanya. Agad na humingi ng tu­long sa pulis si Ruez kung saan ang mga ito ang nag­tangkang sumingil sa suspek ngunit, pinagsalitaan umano ng suspek ang mga ito.

Binuhusan din umano ng suspek ng isang baso ng beer ang isang pulis kaya agad na itong inaresto.