Panawagan sa gobyerno, proteksiyon para sa mga OFW, lalo pang paigtingin!

RYAN B. SISON / BOSES

EMOSYUNAL na sinalubong ng kanyang pamilya si Jennifer Dal­quez, isang OFW mula sa United Arab Emirates na naihanay sa death row dahil sa pagpatay sa among pulis na nagtangka umanong humalay sa kanya.

Talagang nakalulungkot at na­kadidismaya na may mga ganitong pagkakataong kinahaharap ang iba.

Kaya upang maiwasan nang ma­ulit pa ang ganitong mga pangya­yari, hihilingin natin sa pamaha­laan na lalo pang paigtingin ang proteksiyon ng ating mga kaba­bayan na sa ibang bansa ay naki­kipagsapalaran.

Samantala, kung ang lahat ng tao ay kakayanin ang mamuhay dito sa bansa kahit dito sila nagtatra­baho, wala sigurong magiging problema.

Pero, dahil imposible at ma­rami pa rin tayong mga kababayan na nag-a-abroad, lalo na ngayong patuloy ang pagtaas ng presyo ng mga bilihin kung hindi pa natin kayang solusyunan ang kahirapan sa ating bansa, tulungan at supor­tahan na lang natin ang ilang ma­mamayan sa kanilang pakiki­pagsa­palaran para maiahon sa kahirapan ang mga mahal nila sa buhay.

At huwag nating hahayaan na dahil sa kanilang pangarap ay ma­ibubuwis nila ang kanilang buhay.

Gayundin, wala na sanang OFW na ma­ging biktima pa sa iba’t ibang panig ng mundo.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.