TRACKSTER DIONES, AASAHAN SA GOLD NG LONG AT TRIPLE JUMP SA SEA GAMES

ISA sa mga inaasahang gold medal prospect sa 2019 Southeast Asian Games ay si Mark Harry Diones at na­ni­ni­wala si PATAFA president Philip E. Juico na kayang gawin ng Bicolano dahil mayroon siya natatatanging galing sa long jump at triple jump.

Kung matatandaan nagtala si Diones ng dalawang Philippine records sa triple jump 16.70 meters at tinalo si Muham­mad Hakimi ng Malaysia (16.06 meters) at Sanjaya Sandaruwan (15.69 meters) ng Sri Lanka sa foreign-laced National Open Invitational Athletics na ginawa sa Ilagan, Isabela.

Matapos magtala ng panibagong RP record na 16.29 meters sa triple sa weekly PSC-PATAFA weekly relay sa UItra, muling binura ng 23-anyos, 5-11 na si Diones ang kanyang lumang record sa panibagong national record na 16.70 meters matapos burahin sa record book ang national record na 7.43 meters ni Jesse Belebestre sa boys division.

Dalawang beses na naging MVP sa NCAA si Diones noong 2013 at 2015 at hinirang na best athlete ng Jose Rizal University kung saan giniyahan ni national coach Jojo Posadas ang Manda­luyong based Heavy Bombers sa limang sunod na overall champion sa athletics mula 2010-2015.

Maliban kay Diones, ang iba pang medal potentials ay sina Aries Toledo, Anfernee Lopena, Marco Vilog, Jomar Udtohan, Lemuel Camino, Christian Archand Bagsit at Edgardo Alejan.