SUPRA GM SO, SUSULONG SA TATA STEEL CHESS SA KOLKATA

ISA sa mga napiling lumahok si Pinoy Grand­master Wesley So sa unang edisyon ng inaasa­hang malupit na torneong Tata Steel Chess Champion­ship ngayong Nobyem­bre 9 hanggang 14 sa Indian Council for Cultu­ral Relations ng Kolkata, India.

Pamilyar sa mga chess afficionados ng buong mundo ang Tata Steel da­hil sa prestihiyosong clas­sical tournament na gi­naganap sa Netherlands tuwing Enero at minsan nang napagwagian ng tubong Cavite na si So.

Pero sa sagupaan sa India, hindi standard chess ang labanan kundi pas­pasang ahedres sa palig­sahang inaasahang magi­ging isang taunang kaga­napan.

Tatlong araw ng rapid chess at dalawang araw ng bakbakang blitz ang magiging format ng tung­galiang tatampukan din ng pagpapakitang-gilas ng mga elite wood­pus­hers na sina GM Levon Aronian ng Armenia, Rus­sian GM Sergey Kar­jakin, GM Hikaru Naka­mura ng Amerika, Azer­baijan ace GM Mamed­yarov Shakhiriyar at si dating world champion at Indian GM Vishwa­nathan “Vishy” Anand.

Bukod sa kanila, li­mang pambato ng pu­nong-abalang India ay sasabak sa kompetis­yong naglalaan ng $10,000 para sa mangingibabaw sa ra­pid chess at $7,500 na nakaabang para sa aangat sa blitz chess.

Ito ay bahagi ng kabu­uang cash pot na $40,000. Ang mga local bets ay sina Pentala Harikrishna (Rating: 2743), Santosh Gujrathi Vidit (Rating: 2711), Surya Shekhar Gan­guly (ELO Rating: 2622), Nihal Sarin (ELO Rating: 2572) at Praggnanandhaa Rameshbabu (ELO Ra­ting: 2512).