Comelec sa publiko: ‘EPALITIKO’ SA SEMENTERYO, IBULGAR!

HINIKAYAT ng Com­mis­sion on Elections (Co­me­lec) ang mga magtutu­ngo sa sementeryo na kunan ng la­rawan at ipaskil sa kanilang social media ac­counts ang mga poster ng mga tinagu­riang ‘epalitiko’.

Ang tinutukoy ni Come­lec Spokesperson James Jimenez ay ang mga puliti­kong naghain na ng Certi­fi­cate of Candidacy (COC) para sa 2019 Midterm Elec­tions na magpapaskil ng ka­nilang mga poster at larawan sa mga sementeryo.

Mismong si Jimenez na­man ang nanguna sa pag­papaskil ng mga poster ng mga ‘epalitiko’ na nakita niya nang mapadaan sa Ma­nila North Cemetery ka­ha­pon.

Sa mga larawang ipinas­kil ni Jimenez sa kanyang Twitter account, makikita ang mga larawan ng re-elec­tionist na si Manila Mayor Joseph ‘Erap’ Estrada at ng kanyang ka-tandem na vice-mayoral candidate na si da­ting Cong. Amado Bagat­sing, gayundin ni Buhay Partylist Rep. Lito Atienza, na nakapaskil sa tapat ng mga tindahan ng mga kan­dila at bulaklak sa naturang pinakamalaking sementeryo sa Asya.

Una nang hinikayat ng Comelec ang mga puliti­kong naghain ng kandidatura sa May 13, 2019 Mid­term Elec­­tions na huwag samantala­hin ang Undas sa pa­mama­gitan ng pagpapaskil ng ka­nilang mga poster at pagla­lagay ng ‘Happy Undas’ sa mga se­menteryo.