Babala: magnanakaw na nagpapanggap na aplikante, gumagala!

JUN R. GUILLERMO / MODUS OPERANDI PINOY ISTAYL

NAGSAGAWA ng surveillance operation ang kapulisan ng Lungsod ng Quezon dahil sa tatlong demonyong kalalakihan na nag-a-apply kuno ng trabaho sa isang kum­panya kung saan nang makakuha ng pagkakataon ay hinoldap ng mga hinayupak na ito ang mga tunay na aplikante sa loob ng kumpanya.

Dahil sa hirap ng buhay, maraming aplikante ang kumukuha ng mga kina­kailangang doku­mento para lamang ma­tanggap sa inaaplyang trabaho kaya ang kolum na ito ay pinag-iingat ang mga kum­panyang may job hiring dahil gumagala ang tatlong balasubas na kalalakihan na nagkukun­waring apli­kante pero mga holdaper pala.

Sa mga kumpanya o kahit hindi kumpanya na may job hiring, maging alerto kayo at pakiram­daman ang mga nag-a-apply ng trabaho dahil baka masingitan kayo ng tatlong suspek na mga naka-hood ang damit, malilikot ang mga mata at hindi mapakali na bangag sa ipinag­babawal na gamot.

Dahil sa mga rekla­mong natanggap ng kapu­lisan, agad silang nag-stakeout para masubay­bayan ang tatlong demon­yong suspek na nagkukun­waring mga aplikante pero, mga holdaper pala na kumu­kuha ng mga maha­halagang gamit ng mga biktima tulad ng cellphone, wallet, alahas at pati bags kung saan alam nilang may mga importanteng doku­men­tong itinatagao ang kaawa-awang biktima.

Sa mga aplikante nating nagpapakahirap sa pag-a-apply sa trabaho matang­gap lamang, maging alerto kayo kapag may mga kahina-hinalang mga lalaki, aba, kwidaw na kayo dahil baka sila na ‘yung mga pekeng aplikante pero, mga holdaper pala.

Paalala: Mga suki, ingat kayo sa pagpunta ninyo sa mga semen­teryo ngayong Undas para dalawin at ipag­dasal ang inyong mga namayapang mga mahal sa buhay. Mara­ming nagkukunwaring sympathizer sa mga patay pero, mga masasamang elemento na pala ng lipunan!

Ikaw kaibigan, anong sey mo?

Laging tatandaan, walang maloloko kung walang magpapaloko!

Ligtas ang may alam!

Kaya ikaw, ako, tayo… mag-ingat!