Airport, mga building, bahay at sasakyan wasak | HAGUPIT NI ‘ROSITA’

MARAMING bayan sa Isabela ang nakaranas ng matinding hagupit ng Bag­yong Rosita.

Ito ay makaraang tu­mama sa kalupaan ng Dina­pigue ang bagyo, alas-4:00 ng madaling-araw.

Ilang lugar ang nawalan ng supply ng kuryente mata­pos manalasa ng bagyo.

Hindi nakaligtas ang Cauayan City Domestic Air­port sa hagupit ng bagyo.

Ani City Disaster Risk Reduction Management Of­ficer Ronald Viloria, na­tang­gal ang kisame ng na­sabing paliparan at mayroon ding nabasag na salamin ng pin­tuan.

Wasak din ang ilang ka­bahayan at gusali.

May mga puno, poste at billboard na nagtumbahan, nagliparang mga bubong at bumigay na mga pader.

Makikita rin ang mga sasakyan na bumaligtad sa tindi ng hangin. (BRT)