Mga kandidato, tiyak tatambay sa sementeryo, epal pa more!
MAY supertyphoon sa araw ng Undas.
Huh, dapat iligtas ang mga patay!
◘◘◘
MAAGA ang mga naulila ng mga natokhang sa mga sementeryo.
Kasi pagtsitsismisan ang kanilang nitso.
◘◘◘
NAUUSO ang de-bateryang kandila.
Hindi na uso ang tulo ng luha.
◘◘◘
TIYAK na maiiyak na si P-Digong sa pagdalaw sa puntod ng kanyang ama’t ina.
Hindi kasi aakalain ng mga yumao na nakarating sa Malacañang ang kanilang supling!
◘◘◘
MADALAW kaya ni Sen. Antonio Trillanes IV ang mga yumao niyang mahal sa buhay?
Kasi tiyak na maraming susubaybay sa kanya bukod sa mga kaluluwa sa paligid!
◘◘◘
MAPUPUNO ang mga sementeryo.
Tatatambay na kasi rito ang lahat ng nag-file ng CoC!
◘◘◘
PUWEDE nang “mangaluluwa” ang kabataan sa kalye.
Naubos na kasi ang mga adik sa lansangan, naging “kaluluwa” na silang lahat!
◘◘◘
HINDI pa naaprubahan ang P3 trilyong badyet sa 2019.
Nalulungkot ang mga kawatan sa pamahalaan.
Comments