Kelot nahulog mula 15th FLR., dedbol

PATAY isang cons­truc­tion worker nang mahulog mula sa ika-15 palapag ng gusali sa Maynila. Dead-on-arrival sa ospi­tal si Allan Pagulayan Ma­ma­nao, 30.

Batay sa ulat nina SPO1 Jorlan Taluban at PO3 John Bucad, alas-3:40 ng hapon, lasama ng biktima ang isang Wilson Amar at ini­hahanda ang pag-jack-up ng tower crane sa ika-15 pala­pag ng gusali nang maganap ang pagkahulog nito.

Sinabihan umano ng bik­tima ang crane operator na hilahin pataas ang lifting crane para lumipat sa ibang palapag nang sumabit uma­no sa scaffolding. Agad namang sinabihan ng biktima ang crane opera­tor na ihinto ang crane su­balit, huli na.

Nakasabit na sa lifting chain ang scaffolding at na­kita pang kinokontrol ng biktima ang pagbagsak ng scaffol­ding para hindi mag­dulot ng mas matinding aksidente pero hindi rin ito nakontrol kaya bumagsak ito kasama siya.