MANILA AT CEBU, PETMALU NA TEAM SA MPBL DATU CUP

NATAKASAN ng Manila ang malupit na Zam­boanga team habang nana­tiling matatag ang Cebu para talunin ang Marikina sa dalawang pares na laro na idinaos sa MPBL Datu Cup noong Sabado ng gabi sa Vitaliano Agan Coliseum sa Zambo­anga.

Bagamat malakas ang Tsabakanos Family Brand Sardines na humabol pa sa simula, kinapos pa rin sila sa Manila Stars-Robust Energy Drink na sumalvaged ng 60-59 sa main game.

Pinangunahan ni Reil Cervantes ang Stars na may 21 puntos kabilang na ang pag-clutch ng three-point basket upang maiwasan pa ang rally ng Valientes tungo sa ika-10 panalo sa 12 laro.

Ang panalo ng Manila ang naglagay sa kanila ng solidong posisyon sa pahira­pang labanan sa northern di­vision ng torneo. Sumalo ang Stars sa San Juan Knights-Go-For-Gold sa ikalawang standings.

Maagang lumamang ang Stars sa 15-point bagamat nakakaalagwa ang Valientes sa solidong laro ng mga da­tihan nang players na sina Reed Juntilla at Jonathan Parreno na bumalikat sa laban ng host team.

Hindi tulad ng Zam­boanga, napalawig ng Cebu ang kontensiyon sa bisa ng tikas ni Patrick Cabahug, ang Sharks’ main man sa opensa, ang bumanat sa krusyal na basket at bitbitin ang team sa 78-74 na panalo kontra Marikina Shoemasters. Ikalimang sunod na talo na ang natamo ng Marikina at lagpak sa 4-5 card. (MC)