Imbes na mahihirap | Mga partylist, hawak ng mga bilyunaryo at elitista

BOBI TIGLAO / BANAT

TAMA si Davao City Mayor Sara Duterte, hindi dapat iboto ang mga kandidato ng party­list, lalo na ang “front” ng mga komunista. Ka­lokohan ang sistemang ito.

Ang partylist ay inimbento ni dating Pa­ngulong Corazon ‘Cory’ Aquino noong 1987 para raw mabigyan ng boses ang mga mahihirap at “marginalized sector”.

Pero, alam ba ninyo na higit kalahati ng mga partylist ay puro bilyunaryo o mga multi-mil­yunaryo ang representanteng kongresista, nasaan ang mahihirap?

Gayundin, alam ba ninyong marami sa mga partylist ay binubuo ng mga pulitiko at elitistang pa­milya para palawakin ang kanilang hawak sa kanilang mga teritoryo?

Kung gobernador o kongresista na ang isa sa kanila, kailangang tumakbo sa ilalim ng partylist ang ibang miyembro para dumami ang resbak nila.

Tulad halimbawa ng dilawang pamilya Bel­monte, sa pangunguna ng dating Speaker na si Sonny Belmonte, vice-mayor ang anak niya na si Joy, kongresista ang isang pamangkin at ang dalawa pang kaanak ay councilor at pi­natakbo ang isa pang pamangkin para maging partylist representative at nanalo ang kanilang SBP party ng isang puwesto.

Marami pang partylist ‘kuno’ na sa totoo lang ay “front” ng mga pulitikong pamilya. Kabilang ang AAMBIS-OWA ng pamilya ni Janette Garin ng Leyte; ang PBA ng pamilya ni dating Speaker Prospero Nograles; ang ALONA ng pamilya ni dating kongresista Da­nilo Suarez at marami pang iba.

At tulad nang naiulat natin, may mahigit 5 partylists sa Kongreso na ‘front’ o kaalyado ng Communist Party of the Philippines at New People’s Army (CPP-NPA).

Ang layunin nito, pabagsakin ang ating demok­rasya at gawing komunista lahat ng Pilipino kung saan ipagbabawal daw nila ang Simbahan at reli­hiyon, ipasasara ang Senado, Kongreso at media at ang tututol ay papatayin, gusto ba ninyo ito?

Marami ng na-brainwashed na media ang mga komunista kaya panay ang paglabas ng mga ito ng magagandang ulat tungkol kay Jose Maria Sison, ang founder ng CPP-NPA na nagpapakasasa sa The Netherlands.

Pinalalabas ng media na ‘savior’ ng bayan si Joma ngunit, ang hindi nila alam na ang unang gagawin ng CPP-NPA ay ipasasara ang media para walang a­angal.

Sa darating na eleksiyon sa Mayo 2019, marami pang mga partylist group na lalabas at lahat ng may pera ay gustong pakinabangan ang sistemang ito.

Kunsabagay, mas madaling manalo rito kaysa sa “normal” na pamamaraan na tatakbo ka bilang kongresista.

Sa sistemang partylist, kailangan lamang manalo ng mga 2 porsiyento ng total ng mga boto para magkaroon ng isang upuan sa Kongreso. Mga 240,000 boto lang ito at kung umabot pa ng 6 por­siyento ng boto, hanggang 3 posisyon sa Kongreso ang ibibigay sa iyo ng Commission on Elections.

Ang dali, ‘di ba? Sabi ng ating sources, kahit hin­di ka magkampanya basta may P5 milyon ka na pansuhol ay makakukuha ka na raw ng panalo bilang partylist.

Sa eleksiyon noong Mayo 2016, nakakuha ng tigalawang puwesto sa Kongreso ang mga kaal­yado ng mga komunista na Gabriela at ACT Tea­chers.

Ang ACT, ang isa sa matinding kaaway ni Ma­yor Sara matapos akusahan siya nang wa­lang base­han na hindi raw nagbibigay ng al­lowance sa mga guro ang Davao.

Sa galit ni Mayor Sara sa kasinungaling ng ACT party­list ay nangampanya ito na huwag iboto ng taum­bayan ang nasabing partylist at iba pang commu­nist front tulad ng Bayan Muna, Anakpawis, Gabriela, Kabataan, Mig­rante at Alliance of Concerned Teachers.

Gayundin, sinabi ni Mayor Sara na sinu­sulsulan ng ACT ang kabataan na sumama sa mga rally laban sa gobyerno sa halip na mag-aral.

Binanatan din niya sina ACT Rep. Antonio Tinio at ang kaalyadong Anakpawis Rep. Ariel Casilao at sinabing hindi sila dapat nasa Kon­greso.

Gayundin, hinikayat niya ang Ethics Com­mittee ng Kongreso na patalsikin ang mga ito. “Ibagsak ang ACT Partylist dahil ayaw nin­yong nasa paara­lan lang ang mga bata. Ang gusto ng mga grupong ito na manatiling ma­hihirap ang mga ito para ma-exploit nila,” dagdag pa ni Mayor Sara.

Gayunman, dapat sa susunod na Charter Change ay tanggalin na ang sistema ng partylist dahil sini­sira nito ang ating demokrasya at na­pakalaking pera ang napupunta sa mga kaaway ng bayan tulad ng mga teroristang komunista.