Ayon sa PSA | GASTOS NG MGA PINOY SA KALUSUGAN, TUMAAS

PATULOY ang pagtaas na ginagastos ng mga Pili­pino para sa kalusugan.

Batay sa datos ng Philip­pine Statistics Authority (PSA), tumaas nang 8.8 por­siyento ang tinatawag na out-of-pocket (OOP) health ex­penses noong 2017 sa ha­la­gang P372.8 bilyon.

Lumilitaw na ito ay 54.5 porsiyento ng Current Health Expenditures (CHE) noong nakaraang taon.

Kabilang sa mga out-of-pocket expenses ay sa ga­mot, food supplements, me­dical products, thera­peu­tic appliances, outpatient me­dical care, dental care, diag­nostic services at hospi­tal care.

Idinagdag pa ng PSA na P186.6 bilyon sa nabanggit na halaga ay ginastos sa mga botika, P97.5 bilyon sa mga pribadong ospital at P50.3 bilyon sa ambulatory health care.

Samantala, ang kabuuang gastos para sa kalusugan noong nakaraang taon ay P712.3 bilyon, mataas ng wa­long porsiyento sa naita­lang P659.3 bilyon noong 2016. (BRT)