Supplier ng droga ng mga estudyante, huli

KUMAGAT sa isinaga­wang buy-bust operation ang dalawa umanong tulak ng iligal na droga sa Bgy. Calit-calit, San Juan, Batan­gas.

Alas-6:40 ng hapon, ga­mit ang isang police asset, ipinain sa magpinsang sus­pek na sina Roderick at Mar­­­lon Consebido, ang P25,000 fake money kapa­lit ang ilang kilong marijuana.

Pagkatanggap sa pinag-usapang halaga agad di­nakma ang dalawa saka na­kuha sa kanila ang tinataya pang 2-kilo ng marijuana, 2 cellphones, motorsiklong gamit sa transaksiyon at 25 pirasong tig-iisang libong pekeng pera.

Ang mga suspek ang sinasabing pangunahing pi­nagkukunan ng mga parok­yanong estudyante sa ika­apat na distrito ng Batan­gas.