SEA WRESTLING CHAMPIONSHIP KASADO NA SA SAN PABLO

LARGA na ang lahat ng sistema sa pagdaraos ng buwena­anong Southeast Asian Wrestling Championship sa Pilipinas na bubuno sa asensadong Lungsod ng San Pablo sa Laguna.

Sa ipinatawag na presscon kahapon, ipinagmalaki ni sportsman councilor Karla Adajar na handang-handa na ang kanilang balwarte na pagdarausan ng naturang higanteng ka­ganapan na lalahukan ng pinakamahuhusay na wrestlers at martial artists sa bansa.

Sinabi naman ni Wrestling Association president Alvin Aguilar na halos lahat ng bansang miyembro ng Asean na­tions sa Timog Silangang Asia at ang best of the best na local at in­ternational ay ipapamalas ang kanilang husay sa torneong barometro na rin kung sino ang lalaro para sa Pilipinas na ma­kapagbibigay ng karangalan sa bansa sa internatio­nal scene. (MC)