Nilasing | BEBOT NI-RAPE NG MAG-UTOL

MATAPOS lasingin, halinhinang hinalay ng mag­kapatid ang 18-anyos na ba­bae sa Malabon City.

Nadakip si Romel Sta. Maria, 20, delivery boy sa kanilang bahay sa Bgy. Iba­ba habang pinaghahanap pa ang kanyang kapatid na si Roan Jay, nasa hustong gu­lang.

Sa ulat ng WCPD kay Malabon City Police Chief Sr. Supt. Jessie Tamayao, kasama ng magkapatid sa ka­nilang pag-iinuman sa ka­nilang bahay ang Grade 11 na biktimang itinago sa pa­ngalang ‘Jopay’ at dati ni­tong boyfriend na si ‘John’.

Bago maghatinggabi, nagpaalam na umano si ‘John’ habang ang biktima ay nagpatuloy sa pakikipag-inuman matapos siyang pa­kiusapan ni Roan Jay na magpaiwan.

Nang malasing, pina­higa umano ni Roan Jay ang dalaga sa sala at doon na pi­nagsamantalahan ng mag­kapatid.

Hanggang sa ala-1:00 ng madaling-araw nang dalhin umano siya ni Romel sa da­muhan, iginapos ang mga kamay at paa, bago muling hinalay, habang nakamasid si Roan Jay.

Pagkauwi, nagsumbong ang dalaga sa kanyang ina kaya agad nagtungo sa him­pilan ng pulisya na nagre­sulta sa pagkakaaresto kay Romel.