• BULGAR

P-Duterte, aminadong 'di kayang masolb ang trapik, droga, korupsiyon at taas-presyo, pambihirang

PABLO L. HERNANDEZ III / PRANGKAHAN

ANG DAMING HIN­DI KAYA NI P-DU­TER­TE —Sabi ni P-Duterte, hindi raw niya kayang pababain ang high inflation.

Ganu’n? Pambihi­rang pangulo ito, napakara­ming problema ng bansa ang hindi niya kayang luta­sin tulad ng hindi niya kayang ipaglaban ang West Philippine Sea (WPS), endo, traffic, drugs, korupsiyon at ang latest, hindi rin niya kayang pababain presyo ng mga bilihin.

Kulang na lang ay ga­yahin ni P-Duterte ang pinausong salita ni ex-DILG Sec. Mar Roxas noon sa mga biktima ng Bagyong Yolanda na “bahala na kayo sa buhay n’yo”, period!

◘◘◘

BAKIT GUS­TONG PATAHIMIKIN NI P-DUTERTE SINA AQUINO AT LAPE­ÑA SA ISYU NG PUSLI­TAN NG SHABU SA BUREAU OF CUSTOMS? — Kahit pinag­­sa­bihan na raw ni P-Du­ter­te sina PDEA Director Aaron Aquino at Bureau of Customs Chief Isidro Lapeña na tanta­nan na raw ang bangayan tungkol sa naipuslit na tone-toneladang shabu sa Adwana ay hindi pa rin nagpaawat ang PDEA head sa pambubulgar at ang latest niyang ibinul­gar ay hindi lang daw P6.8 bilyon ang halaga ng shabu na nasa mga mag­netic lifter na ipi­nuslit palabas ng BOC kundi P11 bilyon worth daw ng shabu.

Grabe, ang daming shabu niyan at mara­ming buhay ang ma­sisira dahil d’yan! Aba teka, ‘di ba, hate ni P-Du­terte ang drug pero, bakit gusto ni­yang patigilin ang mga bibig nina Lapeña at Aquino sa isyung ito? Kataka-taka!

◘◘◘

ANG SUWERTE NI DIANE UY, CHINESE SIYA DAHIL KUNG MARALI­TANG PINOY SIYA, TODAS NA SIYA—Inabsuwelto raw ng korte ang anak ni suspected Chinese Drug Queen Yu Yuk Lai, na si Diane Uy na nakumpis­kahan ng sangkaterbang shabu na worth P10 milyon sa kanyang condo unit sa San Miguel, Manila na ilang metro lang ang layo sa Malacañang noong Nobyembre 2017.

Suwerte ni Diane Uy, Chinese siya kasi kung nagkataon na maralitang Pinoy na adik ito o kaya runner ng shabu sa mga iskuwater area, dedbol na ‘yan, boom!

◘◘◘

VK NI ‘EDWIN MA­NOK’, NAGKA­LAT SA MUNTI—Nagkalat na rin daw ang mga salot na video kare­ra ni “Edwin Manok” sa Muntinlupa City.

Grabe, sa dami ang mga illegal gambling sa jurisdiction nina Mayor Jaime Fresnedi at Chief of Police Supt. Gerardo Umayao kasi may jueteng, lotteng at sakla tapos may VK pa, buwisit!

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.