Lasang pupu at ihi raw, Jennylyn… DENNIS, TUMALON SA TULAY NANG WALANG DOUBLE, NAKAINOM NG TUBIG

SA November na ang simula ng airing ng action/drama ng GMA-7 na Cain at Abel kaya sunud-sunod ang taping. Noong isang araw, sa isang tulay sa Sta. Cruz, Laguna ang shooting ni Dennis Trillo kung saan tumalon siya sa tulay nang walang double.

Sa nagtanong kung ano ang lasa ng tubig, ang sagot ni Dennis, lasang tubig na hinaluan ng dumi at ihi ng tao, pero siniguro niyang walang mga ‘pupu’ nang tumalon siya.

Kinailangan niyang gawin ang eksena dahil dapat, siya talaga mismo ang tatalon, para mas realistic ang feel.

Sa nagsabing hindi niya dapat ini­nom ang tubig sa ilog, alam nating lahat na ‘pag nasa ilog o dagat tayo, hindi ma­i­wasang makainom tayo ng tubig at ‘yun ang nangyari kay Dennis.

Sa teaser na ipinalalabas ng GMA-7 para sa Cain at Abel, maaksiyon ang show at laging bi­nubugbog si Dennis. May ekse­na ring si Dingdong Dantes naman ang binubugbog at nambubugbog.

Kasama sa cast si Dina Bon­nevie sa hindi pa alam na role at sina Sanya Lopez at Solenn Heus­saff as the leading ladies. Marami pang kasama sa cast ng Cain at Abel na mula sa direction nina Don Mi­chael Perez at Mark Reyes.