Doktor nagbigti

INAALAM pa ng Las Piñas City Police ang dahilan ng pagpapatiwakal ng isang doktor sa pamamagitan ng pagbibigti sa kanilang bahay.

Patay na nang matag­puan ang biktimang si Brian Raysen Carillo, 39, binata, isang physician.

Sa naantalang ulat na nakarating sa SPD, natag­puan ng kanyang ina na si Ofella, ang biktima na naka­bitin ang katawan at wala nang buhay sa loob ng silid nito, alas-12:30 ng tanghali nitong Oktubre 23.

Base sa inisyal na imbes­tigasyon ni SPO3 Rey La­yosa, walang nakitang anu­mang sugat sa katawan ng biktima maliban sa marka ng bigti sa leeg nito.

Nabatid na hiniling ng Scene of the Crime Opera­tives (SOCO) na magsagawa ng teknikal na imbestigasyon sa nangyaring insidente.

Sinabi naman ni Las Piñas City Police Chief, Se­nior Supt. Marion Balong­long, na tumanggi o ayaw magsalita ng Pamilya Carillo kaugnay sa umano’y motibo sa pagpapakamatay ng bik­tima.