LADY BULLDOGS SA 73 WINS, TIGERS, MABABANGIS SA WOMEN’S BASKETBALL

PINAHABA ng National University ang kanilang record winning run hanggang 73 panalo makaraang pasadsarin ang Adamson University, 86-58, kahapon sa UAAP Season 81 women’s basketball tournament sa Araneta Coliseum.

Bunga nito, napantayan na ng tropa ni Coach Pat Aquino ang rekord ng Adamson Lady Falcons’ softball team na nagsimula noong Enero 2010 at natapos noong Marso 2016. “My mindset is to win this game. Let’s forget the streak. Let’s forget 73-0. Let’s forget 9-0. It’s just a game that we have to play,” pahayag ni Aquino. “The pressure is already mounting. I told my players to let’s just go out and play our game,” dagdag pa nito.

Namuno si Congolese Rhena Itesi na nagposte ng 23 puntos, 14 rebounds at 2 assists kasunod sina reigning MVP Jack Danielle Animam, Ria Nabalan at Jeanne Camelo na umiskor ng tig-12 puntos para sa Lady Bulldogs. (VA)