KOUAME AT TIO, IMPRESIBO SA BLUE EAGLES VS. RED WARRIORS

ISA na namang malaking panalo ang ipinoste ng Ateneo de Manila makaraang pataubin ang University of the East, 90-70, kahapon sa pagpapatuloy ng second round ng UAAP Season 81 Men’s Basketball Tournament sa Araneta Coliseum. Nagpamalas sina Angelo Kouame at Tyler Tio ng impre­sibong performances para sa Ateneo na nagpuno sa patuloy na pagkawala ng kambal na sina Matt at Mike Nieto.

First half pa lang ay may double-double ng naitala ang 6-foot-11 recruit mula Ivory Coast na si Kouame matapos umiskor ng 14 puntos at ma- outrebound ang buong Red Warriors squad 13-11 upang pamunuan ang Blue Eagles sa pagposte ng 57-24 bentahe.

Hindi rin nag­pa­pigil si Tio upang tulungan ang Ea­gles na magbalik sa ituktok ng standings sa itinalang 8-2 record. “We had a terrific first half, both offensively and defensively but in the third quarter, UE came out with more fire. Second half they outworked us, but that’s one of the characteristics of that UE team, they really work hard all the way to the end,” ayon kay Ateneo assistant coach Sandy Arespacochaga.

“Generally we’re happy with our offense, we’re gonna take a look at our defense in the third quarter. We’re happy we came up with a win now we have to study this game and prepare for the next game,” dagdag niya.

Tumapos si Kouame ng 18 puntos, 16 rebounds at 3 blocks sa loob lamang ng 21 minutong laban habang may career-best 16 points si Tio na kahalili ni Matt Nieto.

Umiskor si Raffy Verano ng 14 puntos, dumagdag si Jolo Mendoza ng 10 habang ang pagbabalik ni Thirdy Ravena mula sa one-game suspension ay nakapagtala ng 10 points, 5 rebounds at 4 assists.

Nakapagtala ng 29 puntos si Alvin Pasaol para sa Red Warriors, 14 rebounds at 3 steals. Solido rin ang laro ni Philip Manalang sa 18 points, 7 assists at 6 rebounds para sa unang panalo, 1-9 sa 10 laro. (VA)