Karnaper, utas sa pulis

PATAY ang isang lalaki matapos umanong maki­pagbarilan sa pulisya nang si­tahin sa motorsiklong si­nasakyan na nauna nang na­paulat na ninakaw sa Das­ma­riñas City sa Cavite ka­hapon.

Sa ulat mula sa tangga­pan ni P/Supt. Nerwin Rico­hermoso, alas-2:30 ng ma­daling-araw nang maganap ang engkuwentro sa Bgy. Langkaan 2, matapos ma­katanggap ng tawag ang pulisya na may papatakas na mga suspek dala ang kinarnap na motorsiklo.

Agad nagsagawa ng hot pursuit operation ang grupo ni PC/Insp. Alan Reyes at namataan nila sa lugar ang isang MIO Yamaha Sporty, na may plakang NE20096 na nakarehistro kay Mico Cangcopan.

Nang sisitahin at haha­rangin ng mga pulis ay agad nagpaputok ang riding-in-tandem dahilan upang mag­kabarilan hanggang sa bu­mulagta ang angkas na hin­di pa nakikilala habang naka­takas naman ang kasa­ma nito na tumakbo lang kaya nai­wan ang motor­siklo.