After maglinis ng nitso, nag-picnic | 2 YRS. OLD NALUNOD SA ILOG, DEDO

PATAY ang dalawang taong gulang na lalaki ma­tapos mahulog at malunod sa ilog habang nasa kala­gitnaan ng outing sa Quezon, Nueva Vizcaya.

Wala ng buhay na nare­kober ang biktima na si Al­vin Guillermo, matapos ang ilang sandaling paghahanap sa kanya ng mga kaanak.

Napag-alaman kay Po­lice Chief Insp. Larry Pin­kihan, galing umano ang Pa­milya Guillermo sa Tarlac City para maglinis ng nitso ng kanilang namayapang ka­anak kaugnay sa pagha­handa sa Undas.

Matapos umanong mag­linis ng nitso, nagtungo ang pamilya sa gilid ng ilog para mag-picnic muna bago bu­miyahe pabalik ng Tarlac City.

Gayunman, walang na­kapansin sa pamilya na ang bata ay naglakad-lakad na at naglaro sa gilid ng ilog hang­gang sa ito ay mahulog at malunod.