• Eddie M. Paez, Jr

6 PINOY, MATIBAY SA U.S. INT’L 9-BALL SA VIRGINIA


KUMAMADA ng mag­­kakaibang uri ng panalo ang anim na mga Pinoy cue ar­tists sa pangunguna nina Carlo “Black Tiger” Biado at Dennis “Robocop” Or­cullo upang mapanatili ang kanilang lugar sa winners’ bracket ng 2018 US Inter­national 9-Ball Open sa Norfolk, Virginia.

Isang gitgitang 11-10 na tagumpay ang dinaanan ni Biado, MVP sa nakalipas na Taiwan - Philippines face-off at kasalukuyang World Pool Billiards Association (WPA) no. 2, sa kamay si Finland bet Jani Siekkinen samantalang walang hirap na pinataob ni Orcullo, AZ­Billiards Moneyboard no. 2, si Jason Sheerman ng America, 11-1.

Bukod sa dalawang manlalaro mula sa Pilipinas, wala pa ring mantsa ang kartada nina Zoren James “Dodong Diamond” Ara­nas, Johann Chua at Alex “The Lion” Pagulayan matapos nilang daigin ang kani-kan­yang mga karibal.

Tinalo ni Aranas ang bilyarista ng Netherlands na si Marc Bijsterbosch sa isang hill-hill na engkwentro at natapos sa iskor na 11-10, idinispatsa ni Chua ang Ameri­kanong si C. Rocha, 11-2 habang naging tun­tungan ni Pagulayan, tu­bong-Isabela pero ngayon ay ku­makatawan sa Canada kung saan na siya naninirahan, ang isang 11-4 na pangingi­babaw kontra kay US bet Danny Olson.

Ang Cebuanong si War­ren “The Warrior” Kiamco ay hindi rin nagpadaig nang talunin ang Kastilang si Vi­dal, 11-4, sa paligsahang magka­kaloob ng tropeo at halagang $40,000 para sa magkakampeon.

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.