WOMEN’S MARTIAL ARTISTS, TAMPOK SA SPORTS U.N. DAY

MULING aagaw nang pansin ang mga babaeng martial arts practitioners sa dalawang araw na Women in Sports Martial Arts na a­arangkada sa Okt. 24 kasa­bay sa pagdiriwang ng Uni­ted Nations Day sa Harrison Plaza.

Mga babaeng martial arts experts galing sa iba’t-ibang martial arts clubs ang mag­tatagisan ng galing sa wa­long combat sports at lahat ay naghahangad na sundan ang mga yapak nina Brazil Olym­pian Kirstie Elaine Alora, Asian Indoor Games at Martial Arts gold medalists Annie Ramirez at Margaret Ochoa at SEA Games gold medalist Pauline Lopez.

Ang sports na paglala­banan ay arnis, fencing, judo, karatedo, muaythai, pencak silat, taekwondo at wrestling sa dalawang araw na com­petition na tatawaging “Wo­men Empowerment” na ini­lunsad ng Philippine Sports Commission ni Chairman William Ramirez at pinanga­siwaan ni chairperson Com­missioner Celia Kiram.

Sa unang pagkakataon hindi kasama ang boxing at wushu dahil kaunti ang kala­hok. Inaasahang magsasalita si Ramirez sa opening ce­remony at hahamunin ang mga kalahok na ipakita ang aking angkin galing sa martial arts.

Ang torneo ay inilunsad ng PSC para bigyan ang wo­men athletes ng tsansa na ma­ipakita ang galing sa mar­tial arts at makasama sa mga international competitions tulad ng SEA Games, Asian Games, Olympic Games at iba pang highly competitive events.