Negosyante niratrat, utas

DEDO ang isang ne­gosyante matapos pagba­barilin ng hindi kilalang sus­pek sa Valenzuela City, ka­hapon nang madaling-araw.

Dead-on-arrival sa Va­lenzuela General Hospital sanhi ng tinamong tama ng bala sa ulo at dibdib ang biktimang si Gary Parcon, 46, ng Bgy. Gen T. De Leon.

Sa inisyal na imbesti­gasyon, alas-5:00 ng mada­ling-araw, nagtatadtad ng karne ng baboy na kanyang negosyo ang biktima sa pu­westo nito sa De Asis Home­owners Association nang lapitan ng hindi kilalang sus­pek at walang sabi-sabing binaril ito sa ulo at dibdib.

Patuloy naman ang im­bestigasyon ng pulisya upang matukoy ang pagka­kakilanlan ng suspek at ma­aresto habang inaalam pa ang motibo sa insidente.