BULLPUPS, NILAPA ANG CUBS SA UAAP HS VOLLEY

SADSAD sa kamay ng reigning girls titlist National University ang University of Santo To­mas, 20-25, 25-17, 25-15, 25-23 kaya nanatiling undefeated ang una sa nangyaring rematch ng last year’s Finals kahapon sa UAAP Season 81 high school volleyball tourna­ment sa Blue Eagle Gym.

Nagsalansan ng 19 attack points si Faith Nis­peros kasunod si Alyssa Solomon na may 13 pun­tos bukod pa sa 7 digs upang pamunuan ang Junior Lady Bullpups sa ika-4 na sunod nilang panalo. Pinamunuan ni Janna Torres ang Junior Tigres­ses sa itinala nitong 8 pun­tos kasunod sina Imee Her­nandez at Regina Jura­do na may tig-7 pun­tos.

Sanhi ng pagkatalo, nalaglag ang UST sa ika­lawang puwesto taglay ang markang 3-1, panalo-talo kasalo ng De La Salle-Zobel, na tumaas pagka­raan ng 25-15, 25-12, 25-14 na panalo kontra UP Integrated School.

Pinangunahan ang panalo ng Junior Lady Spikers ni Gabrielle Webb na may 9 na puntos.

Sa isa pang laban, nagtala si Sheila Mae Ki­seo ng 11 puntos at 10 digs nang pataubin ng Far Eastern University-Dili­man ang University of the East, 25-16, 25-15, 26-24 para sumalo sa Adam­son University sa ika-4 na puwesto taglay ang pare­has na kartadang 2-2. (VA)