BANARIO, BET SI FOLAYANG KONTRA EX-FOE AMIR KHAN

NAKAPUSTA si dating ONE Featherweight World Champion Honorio Banario sa kanyang teammate na si Eduard Folayang na siyang magwawagi sa sandaling sumagupa na ito sa Singa­porean sensation na si Amir Khan para sa bakanteng ONE Lightweight World Title.

Ang dalawa ay nakatak­dang magbakbakan sa main event ng ONE: Conquest of Champion na idaraos sa Mall of Asia Arena sa Nob. 23. Ang 5-bout winning streak ni Banario ay itinaya niya na nauwi lang sa masa­kit na pagkatalo niya kontra Khan noong nakaraang Set­yembre.

Matapos ang palitan ng suntok sa opening minute, nagapi si Banario sa bisa ng rear-naked choke at puwer­sahan niyang iwagayway ang puting bandila sa 4:34 minuto ng unang round.

Aminado si Banario na hindi siya naging maingat sa laban kontra sa mas ba­tang martial artist ng Singapore, na pinaniniwalaan niyang si Folayang ay handang-handa sa paghaharap niya kay Khan sa ONE: Con­quest of Champions.

“I be­came careless and overcon­fident in our fight, but I don’t see Eduard ma­king the same mistake. We all know that he is a complete fighter. He has this style that Khan will have a hard time dealing with,” aniya. “When it comes to strength, striking and wrestling, Khan will have a hard time overco­ming Eduard in those areas. I’m not underestimating Khan, but Folayang is sim­ply on another level. Both are complete fighters, but Fo­layang is a much more ex­perienced veteran,” dagdag ni Banario.

Habang pinagmamas­dan niya ang pagsisikap ng Team Lakay comrade niya sa gym, nagpahayag si Ba­nario ng kanyang predik­siyon sa highly-anticipated lightweight title showdown sa pagitan nina Folayang at Khan.