2 construction workers nalibing nang buhay sa landslide

PATAY ang tatlong cons­truction workers habang tat­long iba pa ang nakaligtas makaraang matabunan ng lupa sa Baguio City, Sabado nang madaling-araw.

Unang nailigtas ang tatlo sa anim na construction wor­kers ngunit, nang gumamit ng backhoe para masagip ang tatlo pang natabunan ay dito muling nagkaroon ng pangalawang landslides at tu­luyang natabunan ang mga ito.

Batay sa ulat kay Police Chief Insp. Eddie Bagto, nasa edad 18 hanggang 31 ang mga biktima na nag­mula sa Pangasinan at Nueva Ecija.

Tumagal ng dalawang oras bago narekober ang bangkay ng tatlo dahil sa hu­marang na mga hollow block.

Sa imbestigasyon ng pu­lisya, naghuhukay ang mga biktima para sana sa pun­dasyon ng riprap sa itina­tayong bahay nang biglang gumuho ang malalaking ti­pak ng lupa.

Inaalam pa ng pulisya kung may pananagutan ang may-ari ng itina­tayong ba­hay ng mga bik­tima kaug­nay ng malagim na trahedya.