Simbahan sa mga Pinoy | MAGKAKAMAG-ANAK, SIKAT HUWAG IBOTO

PINAYUHAN ng isang opisyal ng Sim­bahang-Kato­lika ang mga botante na pu­­mili ng mga kandidatong hindi sikat sa darating na halalan.

Ayon kay Manila Auxi­liary Bishop Broderick Pa­billo, chairman ng Commis­sion on the Laity ng Catholic Bishops’ Conference of the Philippines (CBCP), buma­ba na nang husto ang political system sa bansa dahil sa mga trapo o ‘traditional po­litician’ at mga pulitikong ka­bilang sa tinatawag na poli­tical dynasties.

Kaya naman, payo ni Pa­billo sa mga botante, hu­wag iboto ang mga trapo at miyembro ng political dy­nas­ties.

Giit ni Pabillo, nama­ma­yagpag ang mga political dynasty dahil ibinoboto sila.

Payo pa ng Obispo sa mga botante, magsaliksik nang mabuti sa background at track record ng mga kan­­didatong hindi kilala.

“Let us not believe on what they promise. It is not what they say they will do that show them their worth, but what they had done, both in their personal lives and in their public service,” ayon pa kay Pabillo.

Hindi rin aniya dapat gawing batayan sa pagboto ang pagiging ‘winnable’ ng isang kandidato, pangu­ngu­na sa survey o dahil sa name recall o kanilang partido.