Parak binentahan, 2 timbog sa shabu

MAHIGIT P100,000 halaga ng shabu ang nakum­piska ng mga pulis sa dala­wang hinihinalang drug pu­shers na naaresto sa buy-bust operation sa Valenzuela City.

Kinilala ni Valenzuela Police Chief Sr. Supt. David Nicolas Poklay ang mga na­aresto na sina Timhar Ad­dang, 23, ng Bgy. Culiat, Que­zon City at Noren San­tiago, 41, ng Bgy. Gen. T. De Leon.

Ayon kay PO1 Jezell delos Santos, alas-10:00 ng gabi nang ikasa ng mga ope­ratiba ng Station Drug En­forcement Unit sa pangu­nguna ni PCI Antonio Naag ang buy-bust operation kon­­tra sa mga suspek.

Nagawang makapag­transaksiyon nina PO2 Ken­neth Geronimo at PO2 Mi­cahel Castro na nagpanggap na poseur-buyer sa mga sus­pek ng isang plastic sachet ng shabu na nagkakahala­gang P2,000.

Nang magkaabutan na, agad lumusob ang mga na­kaantabay na operatiba saka inaresto ang mga suspek at narekober sa mga ito ang tatlong plastic sachets na nag­lalaman ng nasa 16 grams ng hinihinalang shabu na nasa P108,000 market value at buy-bust money.