Kung walang kinatatakutan | Hamon sa mga kandidato, magpa-drug test

RYAN B. SISON / BOSES

KANI-KANYANG diskarte na ang mga kandidato sa nalalapit na eleksiyon, pero ang mas pinag-uusapan ay kung dapat bang ipa-drug test ang mga kandi­dato upang ma­kasiguro tayo na malinis ang intesiyon nilang manalo at makatu­long sa mga Pilipino.

Kaya sa panukala ng Philippine Drug Enforcement Agency (PDEA) na magsa­gawa ng mandatory drug testing sa mga kandidatong tatakbo para sa 2019 Mid­term Elections, nilinaw ng Malakanyang na hindi sila kontra rito dahil sa katu­nayan, maganda ang in­tensiyon ng nasa­bing ahensiya sapagkat nakapagbibigay ito ng mahalagang impor­masyon sa mga pipiliing kandidato sa nalalapit na hala­lan.

Bagama’t, kung magsasagawa ng man­datory drug testing, makalalabag ito sa Sali­gang-Batas na sang-ayon sa ruling ng Korte Suprema sa kaso ng Social Jus­tice Society vs. Dangerous Drugs Board.

Kung saan sinasabi rito na hindi pi­na­payagan ang mandatory drug testing sa mga senador dahil karagdagang ku­walipikas­yon ito na wala sa probisyon ng Konstitusyon.

Subalit, maaaring isailalim sa manda­tory drug testing ang mga kandidato sa local government units (LGUs) tulad ng gobernador, mayor, mga konsehal at bokal dahil hindi nakasaad sa Konstitus­yon ang kanilang kuwalipikasyon sa pag­takbo.

Ngunit, kung maaari ay puwede itong gawing boluntaryo, lalo na kung wala namang kinatatakutan ang kandidato.

Gayunman, inihayag ni Presidential Spokesperson at Chief Presidential Le­gal Counsel Salvador Panelo na tatala­kayin pa ng Palasyo at PDEA ang mga es­pesipikong kondisyon at paraan hinggil sa panukalang mandatory drug testing sa mga kandidato sa eleksiyon bago maglabas ng matalinong desisyon.

Samantala, ang patuloy nating hiling sa darating na araw ng halalan, sana ay walang mangyaring dayaan at magka­roon ng mata­linong pagboto ang mga botante nang sa ga­yun ay karapat-dapat ang mga kandidatong uupo at magka­karoon ng puwesto sa gob­yerno.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.